Буро кӀалхара ишкол тоаеш, дӀабихьача балхага хьожаш хилар вай Мехкада
Республикерча цхьацца юрташка гӀолла ваха хилар хилар вай мехкада Келаматанаькъан Махьмуд-Ӏаьла. Буро кӀалхара № 2 йола ишкол тоаяра болх малагӀча боараме чакхбаьккхаб хьежар из. «Дешара хьал тоадар» яхача Российски паччахьалкхен программа кхоачашъеш, боккха болх дӀахьош, укх шера тоаяьча ялх ишкола юкъе я из.
«Берий хьал дикка аттачахьа доаккхаргда ишкол тоаяро. Сийрда, паргӀата уйчеш, куц тоадаь латта кабинеташ берий дог гӀоздоаккхаш хургья. Вай декхар, цар дешара гӀулакх боаггӀача боараме дӀагӀоргдолаш, дешарца чам хургболаш, къахьегар. Из болх чакхбоаккхаш хьадоагӀа вай аргӀ-аргӀагӀа. Дешара моттигашта терко массахана лоаттае еза», - белгалдир вай Мехкадас Келаматанаькъан Махьмуд-Ӏаьлас ший телеграм-оагӀон тӀа.
Дешара хьал лакхача боараме хургдолаш, даиман тӀахьожам беш хила деза республике. Массахана терко еш хиларо вӀаштӀехьадоаккхаргда вай лакха начӀал дола говзанчаш кхебе, къаман накъаяргйола беркате тӀехье ураоттае.
