ГӀалгӀайчен Кулгалхо хьежар, могашал яйнача берий Центр тоаяра балхага
ГӀалгӀайчен кулгалхо Келаматанаькъан Махьмуд-Ӏаьла хьежар Лохерча Ачалкхе могашал яйнача берашта лаьрхӀа Центр тоаеча балхаш дӀа мишта долх, яхаш, дийцар «Сердало» газетага мехка кулгалхочун зарбан болх лелабераша.
«Цига хӀанз дӀахьош да цӀенхаштта тоаяра балхаш. Говзанчаша хийцад гӀишлон тӀера куц, кораш а хувцаш латт, чура фусамаш тоаяра балхаш чакхдоахаш латт, сердал, канализаци тоаеш я, иштта кхы а дукха эшаш дола балхаш деш ба къахьегамхой.
Кердаяьккхача центро, дешара шу дӀадолалуш, ший наӀараш хьаелларгья берашта. Могашал яйна бераш дешаш йола моттиг эшаш мел дола хьалаш долаш хила еза. Царна лаьрххӀа йола терко е еза», - аьлар, цу балха мах оттабеш, Келаматанаькъан Махьмуд-Ӏаьлас. Цо аьлар, кхы а цхьа ха яьлча, цу балхага хьажа ше юхагӀоргва, аьнна.
