Селий мехкарча наьха куцах, гӀирсах лаьца; безаме къамаьл дир Мехкадас
06.06.2024 13:35
ПМЭФе Селий мехкá къоастадаьча доазонга хьожаш; цу къаман наьха куцах, гӀирсах лаьца безаме къамаьл дир вай мехка кулгалхочо Келаматанаькъан Махьмуд-Ӏаьлас. Из хоам «Сердалога» бир Мехкадаь зарбан болх лелабераша.
«Петербургерча халкъашта юкъерча экономикан кхетачене, хьокха оттаяьча селий мехкарча хӀамаша чӀоагӀа дог ураоттадир са. Дуккхадараш гӀалгӀай мехкаца хотталуш дар.
Тха республикай эггара йоккхагӀа йола ганз, эггара дезагӀдар - тха нах. Селий мехкаца тхо вошал леладеш, вӀаший тӀера долаш да», - белгалдир Мехкадас.
Теркалде деза, ГӀалгӀай Республико Къилбаседа Кавказа ерригача моттигашца, РФ кхыйолча миӀингашца вахара-экономикан, культуран оагӀонцара бувзамаш чӀоагӀдеш болх дӀахьолга.
