«Хьамсара культуран болхлой, кхоллама оагӀонца къахьегараш! Аз дег тӀара даькъаладувц шо шун цӀайца! Вай къаман культуранца, истореца дувзаденнараш, сийдола Ӏадаташ лорадеш оаш дӀахьош бола болх боккха лерхӀам болаш ба. Наьха дегашта йӀовхал, безам телаш, дикаш доаржадеш, къахьегаш нах да шо», - йоах Мехкадас ший къамаьла юкъе.

Мехка кулгалхочо белгалдир, шоаш хьаийца гӀулакх дукха дезаш, шоай декхараш бехктокхаме дӀахьош болча наьха хьинарца, вай къаман бӀаьшераш хьалха денз хьайоагӀаш йола культура яржаш, тоалуш хилар. Цу мугӀарерча наьха начӀал, къахьега ловш хилар да вай исторен оагӀув хьаллоацар.

«Хьамсара культран оагӀон болхлой, цу мугӀарера ветеранаш! Хозача хӀаманца лерхӀам лелабе, кхолламцара болх тоабе Ӏомабу оаш нах. Иразе, аьттув болаш хилба шун вахара никъ, дика гӀулакхаш дӀахойодача хана а доаржадеш, даха низ хилба шун! Могаш, маьрша хилда шо, хьинаре къахьега ловш дахалда!» - йоах Мехкадас.