«Цу денал долча наха, вай юкъарча вахара кхерамзле лораеш, Ӏалашбу машар, доазув лорадеш, цар хьагойт моллагӀа йола халонаш юхатохара шоаш кийча хилар.

Вай республикан доазон тӀа латтача анзорий йоккха терко е йоагӀа.

ГӀалгӀай Республике гӀолла йолча Россе ФСБ Анзорий Урхаллен болхлоша хьагойт, шоаш профессе лакха говзал йолаш хилар, паччахьалкхен доазон тӀара декхараш кхоачашдеш, лоархӀаме дакъа дӀалоацаш хилар», - аьлар ше къамаьл деш ГӀалгӀай Республикан кулгалхочо.

Цо белгалдир, шоай декхар дизза кхоачашдеш, Даьхенна мутӀахьа болаш, денал долаш болча анзораша, Россе бахархоша доаккхал дергдола оагӀонаш хьагойташ хилар, из тешаш ва эшача моттиге хьамсара мохк лорабара массаза уж кийча хиларах.

Махьмуд-Ӏаьлас Урхаллен болхлошта ловца баьккхар, могашал а ираз а хилар ловш. Керда толамаш доахаш дӀадаха низ лулба шоана лоархӀамеча, бехктокхамеча балха тӀа, аьлар цо.