«Магас» НТРК болхлой даькъалабийцар Мехкадас
Моттигера телерадиокомпани хьайийлла 11 шу дизарца, «Магас» НТРК болхлой даькъалабийцар вай мехкадас Келаматанаькъан Махьмуд-Ӏаьлас. Из хоам «Сердалога» бир Мехкадаь зарбан болх лелабераша.
«Вай республикан вахаре доккха дакъа дӀалоацаш лаьттай компани. Къаман культуран, метта хьал тоадеш, Ӏадаташца лерхӀам лелабу беркате тӀехье кхеяра тӀехьа хьинаре къахьегаш хьадаьхкад вай укх шерашка», - аьлар Мехкадас, ший къамаьла юкъе.
Мехка кулгалхочо белгалдир, мехкахошта республикан вахар, хувцамаш, кердадараш дӀадовзийтара тӀехьа телевидене къаьстта лоархӀаме дакъа лоацилга.
«Магас» НТРК хӀара болхло могаш, маьрша волаш, хӀара денна къаман беркате хургйола проекташ, программаш йоаржаеш, дикача хувцамашка кхача гӀерташ, къаман яхь лораеш къахьега даькъалавийцар Мехкадас.
