ГӀалгӀайчен Кулгалхочун кхетаче хилар, «Газпром межрегионгаза» керттерча кулгалхочунца
ГӀалгӀайчен Кулгалхочун Келаматанаькъан Махьмуд-Ӏаьлий, КИФ-2025 чуйоагӀаш, кхетаче хилар «Газпром межрегионгаз» ООО керттерча кулгалхочунца Густов Сергейца. Керттера дийцар дар, республике газаца ювзаенна программа кхоачашъяр, яхаш, хоам бу мехка Кулгалхочун зарбан болх лелабераша.
Карарча хана ГӀалгӀайчен 70 эзар гаргга саг газ йолаш ва. Президентски проектах доагӀаш ма хиллара, 2025 шера республике «ЖӀайрахь» ГРС тоае лаьрхӀад, иштта керда газопровод хьаергья ЖӀайрахьа кхале.
«Цо таро лургья «Аьрзи» яха берий могашал тоаяра йолча лагере газ чуйилла, иштта туристически даькъ тӀа пайда лургбола гӀишлош хьалъе», - аьлар Келаматанаькъан Махьмуд-Ӏаьлас.
Цул совгӀа, «Наьсаре-2» ГРСаи «ТӀой-Юрт» ГРСаи юкъера юкъ вӀаший йийзар, «ТӀой-Юрт» ГРС тоае дагахьа.
Белгалду, таханарча денна 1,2 эзар бартчӀоагӀам баьб дӀахо газ чуйиллара, уж дерригаш а кхоачашдаьд ала йиш йолаш да.
