Россе унахцӀенон министерствон хьем боацача штаба кхетаче дакъа лаьцар вай министра
УнахцӀенон гӀулакхех йолча министерствонна кулгал деча Ӏалбаканаькъан Зарас Россе цу лостамагӀа йолча хьем боацача штабо хӀара кӀира дӀакхухьача кхетаче дакъа лаьцар. Федеральни министра Мурашко Михаила кулгал деш, дӀайихьар кхетаче. Къаьстта йоккха терко еш дийцар къаман мессенджер МАХ унахцӀенон оагӀонна юкъелацарах. Цох лаьца дувцаш, доклад йийшар VK проекташцарча балха вице-президент волча Хайбуллов Рустама.
«Таьрахьий оагӀонцара МАХ платформо хӀама доаржадарах» йола доклад йовзийтар цига Россе унахцӀенон министерствон таьрахьашца дувзаденнарех йолча департамента хоамашцарча технологех болча оагӀон хьалха латтача Темнов Дмитре. УнахцӀенон оагӀонцарча вахара дикка хувцамаш юкъедоаладеш хургья из», - дийцар «Сердалога» моттигерча вай министерстве.
Россе унахцӀенон таьрахьашцара юкъмоттиг тоаеш хургья из кӀийле. ЦаӀ йола таьрахьашцара моттиг боккха пайда беш хургйолга теркалдир хьакимаша.
