Наьсарен кулгалхочо нах тIаийцар
Наьсарен администраце дIадихьар нах тIаэцаш дола ди, цига шахьара кулгалхочо Оздой Руслана къаьстта ше ладийгIар 61 вахархочун дехарга. Цига дакъа лоацаш хилар, шахьара кхела кулгалхо Бохтаранаькъан Ювсап, мэра гIончаш, куран кулгалхой, яхаш, дийцар «Сердало» газетага шахьара мэре.
Бахархой тайп-тайпара хаттарш долаш бар, тишъенна хина турбаш хувцаргара материальни гIо дехарга, наькъаш тоадарга кхаччалца. Деррига хаттараш дIаяздир, цу гIулакха боагIаш болча болхлошта тIадиллар декхар, царех цхьадола дешаш кхоачашдир, дукхагIдолча хаттарашта цу моттиге жоп делар.
Оздой Руслана белгалдир, нахаца дIахьош долча къамаьло таро лу эшар фуд ха. Цул совгIа, шоайла тешам хилара боарам лакхбу. Цо белгалдир, цу тайпара кхетаченаш каст-каста дIаяхьа езаш хилар, къаьстта къамаьлаца мара барт хотталургбац.
