Москве дешаш болча студенташца, кхетаче дӀайихьар Наьсарен мэра
28.04.2025 10:29
Ший балха тӀагӀолла Москве ваха волаш, цига дешаш болча вай студенташца дӀахьоча вӀашагӀкхетаре дакъа лоацаш хилар Наьсарен мэр Оздой Руслан. РФ Президента массазарча гӀалгӀай викала фусаме дӀайихьар кхетаче. Из хоам «Сердалога» бир шахьара администраце.
Дешара гӀулакхех, кагирхой политиках, къона говзанчаш хьаллацарах йолча программах дийцар гулбеннараша. Оздой Руслана кагирхошта дийцар ший балхах, иштта цар мел дола хаттараш доашхаш къамаьл дир.
«Цу тайпара кхетаченаш чӀоагӀа лоархӀаме я; кагирхошта, хьакимашта юкъера бувзам чӀоагӀбу цар», - белгалдир шахьара дас. Кхетачен доакъашхошта баркал аьлар мэра, шоай республикаца дувзаденнараш дагадоахкаш хиларах.
