Ше цига ваха волаш, цо теркалдир хинна зе малагӀча боараме да: Ӏолегаяь гаьнаш, тӀера дӀакхихьа тховнаш, реклама улгаш бахархошта цхьан юкъа цатоам беш дар. Коммунальни болхлоша, сайрийна дӀаболабенна из хьал меттаоттадеш болх дӀахьош ба; хедаеш, дӀакхухь урамашкара гаьнаш.

Ӏумаранаькъан Аслана белгалдир, чоалхане хьал эттача даькъ тӀа тӀахьожам беш хила дезилга. Шахьара кулгалхочо иштта тӀадиллар сиха цу гӀулакха оарцагӀбалар. Белгалду, укх деношка Ӏумаранаькъан Аслана кхетаче дӀайихьар ший гӀончашца, администраце болхлошца, цига лаьрхӀар, ара хаоттам башха тешаме цахиларах, моллагӀча хьалага лакхара кийчо хилийта.