Набахта воӀ воаллача наьна дехар теркалдир УПЧ
08.08.2025 11:04
Наьсарерча яхархочунгара дехар кхаьчар мехкарча сага бокъонех волча викала балха фусаме. Воӏ лаьца нана халача хьале яр, из лоткъадеш, гӏо дехаш яр из.
«Мехкахочо дийцачох, вахара хьал хало хиларах, Самарски областе лаьца воаллача воӏа хан-ханнахьа тӏехьааха аьттув балац цун. Иштта а атта доаца цун вахара хьал цу гӏулакхо геттара чоалхане дерзадаьд»,- дийцар «Сердалога» УПЧ. Кхалсага дехар дикка техка, цунна гӏо де йиш йола наькъаш лаха болабелар УПЧ. Цу оагӏонцара болхлой оарцагӏбаха, лаьца воаллар Селий мехкарча набахта хьалволавергволаш вӏаштӏехьдаьккхар. Лаьца воаллачул, цун цӏагӏарча наха дикка атто еш хилар цӏен юхегӏа из хьалвоалавар.
