Кхаь бера наьна бокъонаш меттаоттайир сага бокъонех волча викала
16.09.2024 12:04
Вахара ганзо берашта доагӀаш дола ахча хьадала ца тугаш, йиш еха кхестача кхалсага оарцагӀвахар сага бокъонех вола викал.
«ХӀара бетта берашта доагӀаш дола ахча тхона дагӀац, яхаш; дӀатӀаэцац са дехар вахара ганзо. Сона доагӀаш дола ахча да цар юхаэзар. Боккъал а гӀо де сона», - яхаш, язду дог дехача кхаь бера нанас.
Цун гӀулакхага хьажа эттар сага бокъонех вола викал. Вахара ганзага гӀолла тохкам беш болх дӀабихьа, кхалсага берашта хӀара бетта 14 эзари 294 соми ахча ухаргдолаш, вӀаштӀехьадаьккхар цо.
