Кердача факультете студенташ хьаэцаргба
ГӀалгӀай паччахьалкхен университете, республикан бахархой бех «Архитектурни тӀехьале кердаяккхара, тоаяра» программах деша. Укх деношка Шолже, ИнгГУ декана Маларой Мухьмада къамаьл хилар, «Архитектуран, Дизайна, Реинжиниринга» (КАДР) колледжа студенташца. Цига цо дийцар кердача факультетах лаьца, яхаш, дувц «Сердало» газетага цигарча зарбан болх лелабераша.
«Ше къамаьл дӀадоладеш, вуза болхлочо хоам бир, тов бетта 1-ча дийнахьа ИнгГУ даькъ тӀа из дешар дӀадоладе таро хиларах. Цул совгӀа, студенташта, хьехархошта тӀехьара тӀа таро лу МАРХИ (Москвера архитектурни институт), МГСУ (Москвера гӀишлонхой университет) дешара говзал лакхъе.
Маларой Мухьмадаца, цу кхетаче хилар Россе архитекторий Союза кулгалхо Гаданаькъан Илез. Декана аьнначоа тӀатохаш, цо белгалдир, Россе архитекторий Союза моттигера дакъа кийча да архитектурни факультет хьаелла, из массе оагӀорахьара хьаллаца», - йоах хоамо.
Иштта белгалдир, КАДР яхача даькъ тӀа деша кийлуш бараш гӀадбаха хьежаш ба, цу лакхерча дешара моттиге каьхаташ дӀачуэцарга.
