Республика керттера энергетик, ший хьалхара хьехархо даькъала ювца, ваха хилар
Исполняющий обязанности директора филиала «Россети Северный Кавказ» — «Ингушэнерго» Ислам Гандалоев поздравил с профессиональным праздником своего первого учителя — Марем Хасмагомедовну Цечоеву.
СоагIапчара № 19 йолча ишколе цо хьеха 28 шу да. Из йолча балха ваха, шийна цунгара мел дайнача диках баркал аьнна, эшачунга хьежар керттера энергетик. «Iа тхона мел хьийхар, тахан тха дегашка дисад. Эггара лоархIамегIа дар, сий долаш даха Iомадир Iа тхо.
Хьо тха дегашта цIаккха а йицлургьяц! Iа тхоца хьийга къа хам баь варгвоацаш доккха да. Баркал хьона, тха дика хьехархо! Тхо массе хана а хьона улув хургда», — аьлар ГIоандалой Ислама.
«Хьехархочун дега лоархIаме да, ше хьийхача берах, воккха хилча мала хургва. Теша лов, шоана тхоаш диц ца даларах. Цох ховргда тхона, оахоша тхоашта тIалатта декхар лерттIача боараме дIадихьалга. Хьай къаман накъавоалаш саг хилар хьох. Сайга кхоач аьнна хет сона из. Иштта децаре, тахан укхаза вена а хургвацар хьо», — белгалдаьккхар ший къамаьла юкъе хьехархочо.
