Наьсаре студенташца кхетаче дӏайихьар, «Цӏена ноахал» яхача проекта чуйоагӏаш
Наьсарен Политехнически колледже студенташца лоархӏаме къамаьл хилар кхерамзленах, законах лаьца. Из кхетаче дӏайихьар Гӏалгӏайчен дешара, ӏилман Министерствос, республикан кагирхой Комитето, «Цӏена ноахал-2026» яхача республикан проекта чуйоагӏаш, цхьана болх дӏахьош хиларца ювзаенна. «Хьаала, мичахьа дохкаш да валар?» яхача лекцешка, боахама болхлоша къаьгга дийцар студенташта, харцахьарча наькъ тӏа валарах, е наркотикаш лелаярах бехктокхаме озаш хиларах. Студенташта иштта хьалхадаьккхар, юкъарлон кхерамзле вайх хӏара сагах тийша хилар, цар хьалхадаьккхар, нагахьа санна цу тайпара хӏама нийсденна моттиг хилча, сага вахар кӏалхардаккхара фу де деза.
«Къаьстта терко тӏаяхийтар кагирхой шоай кхерамзле лораеш хилара. Ладувгӏаш хиннарашта довзийтар, наркотикашца дувзаденнача гӏулакхашта юкъецабалар, шоаш цу воча гӏозарга ӏехацабайтар мел лоархӏаме да», - аьлар «Сердало» газетага республикан кагирхой Комитете.
Цу кхетачен керттера бахьан дар, хьехама болх тоабар. Из болх вӏашагӏбеллараш хьежар студенташта довзийта, цхьаккха тайпа наркоманеца дувзаденна хьал шоашта гонахьа цахилийтар царех шоаех тийша долга.
Кхетаче яр кагирхой тӏахьехаш, цӏена вахара никъ лелабара, кхоанен уйла еш хилара, наркотикаш ца лелаеш, уж лелаерашта духьале лоаттаеш хилара. Вай кхоане йохаеш дола зулам, тахан овлангара цӏендаь дӏадаккха деза.
