Гӏалгӏайчен Паччахьалкхен драмтеатро дешархошта довзийтар Ходжа Насреддина хьаькъале дувцараш
Гӏалгӏай паччахьалкхен Боазаркъанаькъан И. цӏерагӏча драматически театро «Насреддина дошо вир» яха фаьлг гойтар, Наьсарен №3 йолча юкъерча ишкола дешархошта. Культуран хьал доаржадир «Дешархошта лаьрхӏа культура» яхача ерригроссийски проекта чудоагӏаш, из лаьрхӏа я кхувш йоагӏа тӏехье хьаллацара, берашта искусствон дуне довзийтара. Из бахьан долаш классически, вай заман спектаклаш берашка дукхагӏа дӏакхоачаш я, царна таро лу дешара шу дӏахьош шоашта ховш дар дегӏадоаладе.
«Из спектакль оттаеш хилар, Гӏалгӏай Республикан халкъа артист, режиссёр Галай Мурат. Цо кулгал деш, театра тоабо тамашийна самукъадалар хьакхеллар малхбоален кӏоанолгех, актёрий ловзарех. Режиссёра говзал, артисташ дика хиларо из спектакль самукъадоаккхаш, безаме йир берашта», - аьлар «Сердало» газетага театре.
Наьсархой боккхача безамца хьежар театра турпалхошта нийслуча гӏулакхашка, Ходжа Насреддина кхолламах йолча сюжетага, из цар дег чу юсаргья дукхача шерашка.
Гӏалгӏай паччахьалкхен Боазаркъанаькъан И. цӏерагӏча драматически театре дӏахо дӏахьош да лоархӏаме вахара даькъ тӏара хьал - республикан дешархошта хьалхашка театральни искусствон дукха оагӏонаш хьаеллаш, театро новкъостал ду, кхувш йоагӏача тӏехьенна исбахьален говзалцара безам совбаккха, уж хӏаман хьисап долаш, кӏоарга уйла е ховш хьалкхебара.
