СВО Гӏалгӏайчен ветерана ший проект йовзийт ерригроссийски боарам тӏа
Гӏалгӏайчера лаьрххӏача тӏема операце доакъашхо Чопанаькъан Мухьмад «Ший никъ» яхача СВО Ерригроссийски проекта доакъашхо хилар, из хьакхоллара болх дӏаболабир Тамбоверча, Г.Р. Державина цӏерагӏча паччахьалкхен университете. Из программа лаьрхӏа я тӏема бӏухой кагирхой политиканна юкъебахара, царна новкъостал дара. Проекте лектораш ба СВО тӏема говзал йола ветеранаш, уж хьаллоац Россе герзашцарча низий Министерствос, «Аз доккхал ду» яхача Ассоциаце, «Даьхен лорабой» Паччахьалкхен ганзо.
«Ший никъ» яхача проекте дакъа лоацаш хилар-, тахан вай бӏухой тӏема говзал, цар чӏоагӏъенна дӏаэтта сага оамал эшаш йолга берригача мехка дӏагойта таро я из. Тхо тешаш да вай мехкахочун цу проекте цо ӏомадаьр цунна накъадаргда, аьнна, цо юкъарлон пайда бахьаргба»,- аьлар «Сердало» газетага Гӏалгӏайчен «Даьхен лорабой» ганза филиала хьалха латтача Абаьданаькъан Ислама.
«Ший никъ» яха проект хьакхеллай, СВО бӏухой таро хургйолаш, кулгал деча даькъ тӏа малагӏа ка йоалаш шоаш ба хьагойта, цар массайолча ханара вахар дӏахьоча даькъ тӏа кердадараш юкъедахара шоашкара дакъа лоацаргдолаш, уж маьршача вахарга бахара, хӏаранена ший гӏулакх корадергдолаш.
Дукхача кандидаташта юкъе Чопанаькъан Мухьмад чакхваьннав, цун массайолча оагӏорахьара новкъостал лоаттадеш я Гӏалгӏайчера «Даьхен лорабой» ганза филиал.
Гӏалгӏайчен викало цу программе гойт, кхувш йоагӏача тӏехьен Даьхенцара безам совбоаккхаш кхетам балара, тӏема даькъ тӏара цӏабаьхкача бӏухошта новкъостал дара лаьрхӏа ший проект хилар.
Из болх дӏахьош ба университета академически тӏахьожам лоаттабеш. Уж курсаш яьха баьлча царна дипломаш лургда, цар керда дешара оагӏув ӏомаяь хилара тешал деш. Болх шаьрбергба вузашка, дӏахо болх лаха новкъостал дергда кагирхой политика даькъ тӏа.
Из болх лаьрххӏа кийчо яь дӏахьош ба, мехка 47 моттиге, Даьхен бӏухоша 150 вӏашагӏкхетар дӏадихьад 4 эзар совгӏа болча кагирхошца.
