Коталон дийнахьа керттера концерт дIадихьар Наьсарен культуран ЦIагIа
В муниципальном Дворце культуры города Назрани состоялся главный праздничный концерт Ингушетии, посвященный Дню Великой Победы. Среди гостей концерта «Мы славим сорок пятый год, не забывая сорок первый!» был и Глава республики Махмуд-Али Калиматов, который обратился с поздравлениями к жителям региона.
«Оаха дезду шовзткъа пхелагIа шу, диц ца деш шовзткъа цхьоалагI шу» яхача концерте баьхкача хьаьшашца республика кулгалхо Келаматанаькъан Махьмуд-Iаьла вар, цо мехка бахархошка кхайкарал дир:
«Ха сиха йода, вай хIанз дезду Йоккха Котало яьккха 78 шу. Из цIай долча хана, вай уйлашца юхадолх Сийлахь-боккхача Даьймехка тIема шерашка, цу хана байна вай къаман а иштта ерригача Россе а дикагIбола къонгаш, мехкарий дагабохаш. Цар деналца, хьинарца, майралца вохавир моастагIа, дуненна паргIато яьккхар, мукъадоаккхаш къизалах.
ХIара юрта, хIара гIалгIай тайпан йицлургйоаца Даьхен бIухой цIераш я, царех хIараяр — ГIалгIай къаман йоакхо. Цар сийлен цIераша вай воайла вIашкаоз, чIоагIагIа ду.
Вай баркалца, доаккхалца, лерхIамца дагалоаттаду тIом бодаш хиннача шерашка бахархоша шоашкара боккхача къахьегамца лоаттадаь новкъостал, дерригача эскаро, моастагIа эшавара хIаране дакъа юкъедера цига», — аьлар Келаматанаькъан Махьмуд-Iаьлас.
Концертни программа хьайийллар Цхьорой А. Д. цIерагIча ГIалгIайчен Лоаман кадетий корпуса оркестро. ТIема кепара гIирс бувхача кIаьнкашта еррига терко тIайохиqташ бар гулбеннараш. Цу дийнахьа сцена тIа арабаьлар дикагIбола республикан артисташ: Iаьленаькъан Iайна, Охценаькъан Роза, Имагожанаькъан Осман, Iоахашканаькъан Зара, БIарахой Люба, Йовлой Хьава, ХьоашалгIанаькъан Лолита, Беканаькъан Рахьман, иштта кхы дуккхабараш.
ГIалгIайчен Паччахьалкхен филармоне артисташа концертни программа хоза кийчъяьяр. Укхаза Сийлахь-боккхача Даьймехка тIема ханашка доахаш хинна иллеш а дIааьлар. Цу кхетачене дакъа лоацаш мел хиннараш самукъадаьнна бар.
