«ЖӀайрахь-Ӏарамхи» яха никъ дӀакъайлаб кхертой токхамо
04.04.2024 09:41
«ЖӀайрахь-Ӏарамхи» яха никъ, дӀатӀехвала йиш йоацаш, дӀабикъаб гувнаш тӀара Ӏочутекхача кхертӀоша. Из хоам «Сердалога» бир мехка кабмино.
«Цу моттиге гӀолла дехьавала бокъо ехкаш йола гӀармаш оттаяьй новкъа», - йоах тхогарча хоамо. Из хьал меттаоттаде арабаьннаб цу даькъ тӀара болхлой. Йоккха юкъ ялалехь, Дала аьннадале; никъ, цӀенбаь, мукъабоаккхаргба.
