Илдарха-Гӏала Коталон 80 шу дизара цӀайга кийчлуш йоагӀа
25.03.2025 14:54
Сийлахь-боккхача Даьймехка тӀем тӀа яьккхача Коталон 80 шу дузаш хиларца дувзаденна, Илдарха-Гӏала цӀайга кийчлуш, эргайоалаш йоагӀа. Шахьара урамаш, тайп-тайпара паччахьалкхен моттигаш кийчъеш латт баннерашца, уж хетаяь я цу дезача денна, яхаш, хоам бу «Сердало» газетага цигарча администраце зарбан болх лелабераша.
«Моттигерча Ӏаьдало аларах, керттерча урамашка хьалтехад, шоай майралца, деналца моастагӀа эшавеш духьалъэттача бӀухой сурташ, цу турпалча нахах дувца баннераш. Мэрена чуйоагӀача урхалленашка цӀе бос болча оасашца хозъяьй моттигаш, советски халкъ цаӀ хинна хилара белгалонца», - йоах хоамо.
