«ГӀалгӀайче» яха халхара ансамбль мехкарча бе-беча моттигашка гӀоргья
ХьатӀабоагӀача бетта вай мехка гӀолла ший говзал гойта гӀоргья «ГӀалгӀайче» яха паччахьалкхен ансамбль. Цо концерташ лургда Алапаевске, Тугулыме, Екатеринбурге, Асбесте, Тюмене, Лакхерча Тагиле, Первоуральске, Челябинске, Красноуфимске, иштта кхыйолча шахьарашка. ГӀалгӀай паччахьалкхен 100 шу дизара хетабаь ба из боккха никъ.
«Вай къаман халхар гойтарал совгӀа; селий, гуржий халхараш хьокхаргда цар хьажархошта. Программа юкъе я массанена езаенна хореографе композицеш: «Лоамашкара Ӏуйре», «ГӀалгӀай къаьнарча цӀайца дувзаденнар», «Лоамий мукъам», иштта кхыяраш а. Иллеш оалаш хургба Йовлой Хьава, Овшанаькъан Зара, ЭльжуркаевгӀар Луиза, Оздой Адам, иштта кхыбараш а», - дийцар «Сердало» газетага Москверча ГӀалгӀайчен массазарча викалаша.
Къаман культура, Ӏадаташ довзийташ къахьегаргда ансамбла доакъашхоша. Хьажархой дег чу дусаргдола хӀамаш да цар гойтаргдараш.
