ГӀалгӀай Паччахьалкхен драматически театро хьаделл, ший балха керда шу
Ший керда балха шу дӀадоладу ГӀалгӀай Паччахьалкхен Базорканаькъан Идриса цӀерагӀча драматически театро. Хьажа боагӀараш таро йолаш хургба «Жанхота вожар» яхача спектакла турпалхошца кхетаче е. Из кхеллай гӀалгӀай цӀихезача йоазонхочо, драматурга Чахкенаькъан СаӀида.
«Жанхота вожар» яха спектакль хургья Наьсарен культуран ЦӀагӀа тов бетта 5-ча дийнахьа. Цига дувц ХVӀӀӀ бӀаьшерен ха чакхйоалаш, гӀалгӀай къаманга бенача балах. Цу хана лаьттача халача ханашка хьежжа доацаш, дунен тӀарча нийсхон тӀехьа йоацача халонашта духьалъотта мегар наха»,-аьлар «Сердало» газетага драматически театре.
Кагирхой таро я, цу спектаклага хьажа болхаш, шоашца Пушкина карта хьаэца. Цу дикача проекто таро лу 14-22 шу даьннача наха паччахьалкхен чотах культуран кхетаченашка аха.
«Пушкина карта» яха проект кагирхой хьаллоацаш я, культуран мах бараш царна довзийтара лаьрхӀа. Цар таро я шоашта гонахьардар дикагӀа Ӏомаде, довза, искусствон тайп-тайпара оагӀонаш го, шоай мукъа ха дика дӀаяхьа.
