Магасерча дешархошта «Ханума» яха спектакль гойтар паччахьалкхен театра актёраша
27.01.2026 11:19
Магасерча дешархошта Цагарели Авксенте «Ханума» яха спектакль гойтар паччахьалкхен драматически театра актёраша. Къаман артист волча Галай Мурада хьаоттабаь боккха болх ба из.
«Пушкина карт» яхача, мах боацаш хьажа торо луча федеральни программага гӏолла, «Дешрхошта лаьрхӏа культура» яхача проектага гӏолла хьокхаш яр спектакль», - дийцар «Сердалога» театра болхлоша.
«Ханума» яха комеди массанена езаеннарех я. Дукха хӏама чулаьца йола из пьеса дуккхабарашта йовзаш я. Режиссёр волча Галай Мурада ший мел дола начӏал сомадоаккхаш, вӏашагӏбелла болх ба из.
