«Тхоаш долча мел боагӀа хьаьший беза ба тхона, хӀаьта Наталья къаьстта боча я тха дегашта. Диззача ийс шера вай музея кулгал деш, мах баь варгвоаца боккха болх цу наькъ тӀа дӀабихьа саг я из. Цул совгӀа, тахан тхона хьалхадаккха, хьеха дукха да цун.

Ший балхах дика кхеташ, лакха начӀал долаш саг я Наталья», - дийцар «Сердалога» музея болхлоша. Музее кхоана хьабелларгболча Батайнаькъан Заьудина гойтамга хьежар Наталья.

Паччахьалкхен музея кулгалхочо ТӀумхой Любас совгӀаташ делар езача хьаьшанна – «ГӀалгӀайчен кхоллама балхаш» яха книжка, суртанч йолча Ильясанаькъан Индирас хоза тоадаь дола, гӀалгӀай паччахьалкхен 100 шу дизара хетадаь ханорг.