Яндарерча грэпплераша дика толам баьккхар Шолжа-ГӀалий тӀа дӀайихьача яхье
Яндарерча 23 спортсмена ГӀалгӀайче хозача оагӀорахьара гойтар, йийлла грипплингах йола яхьаш дӀахьоча. Уж хилар Шолжа-ГӀалий тӀа, яхаш, дийцар «Сердало» газетага берий тренера Хазанаькъан Назира.
«Дика кийчо ярах «Чемпион» яхача физкультуран-унахцӀенон комплексе Ӏомалуш болча спортсменаша совгӀаташ даьхар - 12 дошо, 7 дото, 4 борза майдилгаш. гӀортадара яхь чакхъяьлар Муцолганаькъан ИсмаӀала, Исмейланаькъан ИбрахӀима, Йовлой Анзора, Доланаькъан Абубакара, Бекбузаранаькъан СаӀида, Хазанаькъан СайфуллахӀа, Овшанаькъан Ахьмада, Пхьиленаькъан ИбрахӀима, Доврбиканаькъан Хафиза, ЧӀасанаькъан Ахьмада, Доврбиканаькъан Илеза, Пхьиленаькъан Сайфулас котало йоккхаш»,-аьлар хоамо.
СовгӀаташ далара шоллагӀча мугӀаре хилар БӀарахой Мухьмад, Тутайнаькъан Абубакар, Хьулахой Мухьмад-Амин, БӀарахой Адам, Китенаькъан Абу-Муслим, ГӀанажанаькъан Сулейма, КӀансиганаькъан Мухьмад.
КхоалагӀа моттиг кхаьчар Къоастой Билала, Оздой Илеза, Доврбиканаькъан Юсуфа, Зейтанаькъан Мухьмада.
Тхоца къамаьл даьчо яхачох, цу яхьаша таро елар грэпплерашта шоай начӀал гойта, иштта боккъонцахьа болча говзанчашкара ловцаш хаза.
