«Кхелахой а цига хиннача хьажархой а безам тӀабаха «Продлёнка» яхача Малсаганаькъан Луизай берий программо «Берашта, кхувш боагӀарашта дикагӀа йола программа» яхача даькъе хьалхара моттиг яьккхар, иштта «Декрет №93» яха Йовлой Берса документальни лента а хилар геттара чӀоагӀа хьажархой теркам тӀабодарех, цо дувц гӀалгӀай къаман вахарах»,-аьлар тхоца къамаьл даьчо.

Медиакхетаче дӀахьош яр Селий мехка, цига гулбелар вай мехкарча тайп-тайпарча моттигашкарча телекомпаней говзанчаш. «ГӀалгӀайче» яхача ГТРК из толам баьккхар, телевидене болх беш бола нах шоай балхах кхеташ а из безаш а хиларах. Уж дӀахо а къахьегаш ба къаман телерадиокомпани дегӀайоалаеча шоай дакъа юкъехьош, къаман культура, Ӏадаташ лорадара тӀехьа къахьегаш.