Футзалерча ловзарах йолча чемпионате толашагӀа ва ИбрахӀим Эль- Хадиди
26.02.2025 10:19
«Айсит» яхача тоабан юкъера ИбрахӀим Эль-Хадиди республикерча футзалах йолча чемпионата 12-ча тура эггара толашагӀа вола ловзархо ва, аьнна, белгалвир. Из хоам «Сердалога» бир футболах йолча федерацера.
«Бургац чутохаш дола гӀулакх да ИбрахӀим Эль-Хадидина тӀалаттар. «Тасним» яхача тоабанца ловзаш лакха говзал гойтар цо (11:1), котало хьалхарчарга йолаш», - дийцар тхога.
Бургац чутохарал совгӀа, кхыдолча оагӀонашка а дикка белгалваьлар из, «ТолашагӀа вола ловзархо» яха цӀи ийца, вахар из футбола майдан доазон тӀара.
