Боккхача наха юкъерча футбола Ӏан чемпиоанате, толашагӀа хилар Озанаькъан Илез
05.02.2025 10:22
17-ча Ӏан бӀала эггара толашагӀа вола ловзархо ва, аьнна, белгалвир Озанаькъан Илез. Из хоам «Сердалога» бир футболах йолча респбликерча федераце.
«Ловзар чакхдаллалца лакха говзал гойташ чакхваьлар Илез. Цо ший декхараш дика кхоачашдарах «Базорканаькъан» яхача тоабо «ГӀалгӀайчен Къулбехьен–Малхбузерча боккхачаргара» котало яьккхар (5:4)», - йоах тхога кхаьчача хоамо. Футбола федераце даькъалавувц тахан Озанаькъан Илез, иштта толам болаш чакхваларца.
