ВӀаший бувзам лелабарах дийцар ИнгГУ, «Кхоане» яхача ООО оагӀоно
ГӀалгӀай паччахьалкхен университета ректор йолча Ӏалбаканаькъан Фатимас кхетаче дӀайихьар «ТӀехьале» яхача ООО оагӀон кулгалхо волча Султиганаькъан Рамзанаца. ВӀаший бувзам лоаттабарах дийцар кхетаче. Архитектурацарча тӀехьален моттигаш меттайоалаярах, тоаярах болча оагӀонцара говзал Ӏомаеш болча студенташта из болх бовза аьттув хилийтарах дийцар вӀашагӀкхетаре.
«ТӀехьале» яхача оагӀон юкъе чуйода хӀама меттаоттадеш болча гӀишлонхой ишкол. Цига студенташ Ӏомабу вай къаман истореца ювзаенна моттигаш меттаоттаеш къахьега. Цу моттигацарча бувзамо деша багӀача студентий говзал дикка чӀоагӀъергья. «ГӀишлонхой ишкол» яха проект йоаржайир 2023-ча шера, «САФМАР» яхача гӀо деча ганза хьалха латтача Гуцаранаькъан Микаила, мехкадас Келаматанаькъан Махьмуд-Ӏаьлас хьаллоацаш», - дийцар «Сердалога» ИнгГУ.
Султиганаькъан Рамзана дӀатӀаийцар Эрсий географически юкъарлен моттигерча оагӀон юкъе дӀачувахар.
Цу шин моттиго бувзам чӀоагӀбар студентий говзал, шоаш Ӏомадеш долча хӀаманцара начӀал лакхдеш хургда. «ТӀехьале» яхача, культураца дувзаденнараш лорадара тӀехьа къахьегаш болча оагӀонга дукха да царца декъа.
