Керченски хин хьоарсама экологи тоаеча дакъа лоацаргда ИнгГУ
24.04.2025 10:28
Керченски моттиге мехкадаьтта Ӏодахийтарах этта хьал меттадоаладеча дакъа лоацаш хургья ГӀалгӀай Паччахьалкхен университет. Цу балха юкъе дакъа лоацаш бараш белгалбеш, каьхат кхаьчад Кубанерча Ӏилман ганзерча. Из хоам «Сердалога» бир цу моттигера.
«ДӀабахьа безача балхах дувцаш, кхетаче дӀайихьар хими кафедра доцент волча Темирханаькъан Бахьаудина, ректор йолча Ӏалбаканаькъан Фатимас.
«Мехкадаьттацара кхоачам Ӏобахийтарах этта хьал наноуглеродни сорбционни хӀаманца меттаоттадарах» яхача темах доклад йийшар Темирханаькъан Бахьаудина», - йоах тхога бенача хоамо.
ИнгГУ инжинирингови оагӀоно цу юкъе дакъа лаца тӀахьехаргья «Политехника» яха Москвера компани, иштта цу хӀаманцара болх бовзаш йола кхыйола моттигаш.
