ГӀалгӀай гӀалашта хетаяь Ӏилман-балхацара кхетаче дӀайихьар ИнгГУ
02.06.2025 10:13
ГӀалгӀай къаман гӀалашта хетаяь Ӏилман-балхацара кхетаче дӀайихьар паччахьалкхен университете. Из хоам «Сердалога» бир цу моттигера.
«Исторически факультете бийха хилар исторе, архитектуран, этнографе оагӀонашца къахьегараш. Культуран оагӀонца лоархӀаме моттиг дӀалоацаш йолча гӀалаех лаьца докладаш йийшар студенташа.
ГӀалай вахарца дувзаденна студенташа дийцар тохкама балхаш дӀахьош накъадаргда мехка», - йоах тхога бенача хоамо. Крупнов Е. цӀерах йолча Археологически цхьанкхетара кулгал деча Гаданаькъан Умалата белгалдир, гӀалгӀай къаман культуран оагӀонца из кхетаче лоархӀаме йолга.
ГӀалгӀай гӀалай Ди дездар мехкадас Келаматанаькъан Махьмуд-Ӏаьлас чӀоагӀдир 2021-ча шера. Цу денна хетадаь дар университетера вӀашагӀкхетар а.
