ИнгГУ белгала хилар къаман латара ӀӀ Дерригдунен ловзарашка
ГӏалгӀай паччахьалкхен университет доккхал де йиш йолаш я ший викалех, цар дика толамаш даьхар халкъашта юкъерча яхьашка. Новочебоксарск-Шахьаре дӀайихьар ӀӀ Дерригдунен къамий спортивни ловзарий яхьаш, цига ГӏалгӀайчера бахача кагийча наха лакхача боарам тӀа гойтар шоай говзал.
«Физически культуран кафедра воккхагӀа волча хьехархочо Цхьорой Салмана дошо майдилг яьккхар гӀалгӀай Ӏадатий фехтованех-шодсанлат. Цо яьккхача коталоно къаьгга хьагойт, къаман спорт тахан эшаш хилар а, из халкъашта юкъерча яхьашка ший моттиг дӀалоацаш хилар а. Кхы кӀезигагӀа терко тӀаозаш дацар студента Коазой Сайт-Мухьмада гойтар а, из ва экономикан, урхаллен факультета хьалхарча курса студент. Къонача спортсмена борза совгӀат даьккхар кикбоксингах, 17-18 шу даьннарашта юкъе. Геттара гӀадвугаш да, из совгӀат даккхар, ма хулла дешара толамаш доахаш спортсмен волча юкъе гӀолла, цо хьагойт лаьрхӀачунга кхача ший таро хилар», - аьлар «Сердало» газетага ИнгГУ зарбан болх лелабераша.
Цхьорой Салмана, Коазой Сайт-Мухьмада толамаш, уж духхьал спорта толамаш хинна Ӏац. Цар хьагойт, дешар а спорт а ма хулла цхьана дӀадахьа йиш хилара уж тӀакхувш болга. Цу тайпара толамаш доахаш хиларо ГӏалгӀай паччахьалкхен университета а, иштта ерригача республикан а сий доаккх ерригроссийски халкъашта юкъерча спорта даькъ тӀа.
