БӀаргса эшаденнарашта юкъера истола тӀарча теннисах СКФО чемпионат хилар вайцига
БӀаргса эшаденнача спортсменашта юкъера СКФО чемпионат дӀайихьар «Мужече» яхача спорта кийчо еча моттиге. СКФОра эггара толашагӀа бола теннисисташ гулбеннабар чемпионате, хӀара тоаба коталонга кхача гӀерташ яр. Дикка белгалбаьлар цига вай спортсменаш.
«БӀаргса эшаденнача наьха Ерригача Россе вай мехкарча оагӀоно, республикерча спортацарча гӀулакхех йолча Министерствос хьаллоацаш дӀайихьар уж яхьаш. «Кхоачамбоацараш доаца спорт: Ерригача Россе сет» яхача, президентски грантий Ганзо хьаллоацаш йолча проектага гӀолла йир чемпионат», - дийцар «Сердало» газетага.
Дикача оагӀорахьа шоаш дӀахьокха аьттув, низ хилар вай спортсмений. МаӀача наха юкъе белгалбаьлар Ганенаькъан Аласхан, Пхьилекъонгий Хьусен, хӀаьта кхалнаха юкъе - ИсаевгӀар Медна. ГӀалгӀай теннисисташ котбалар уж кийчбеш, цу спортага уж дӀаӀамийташ бола болх дӀакхахьарца дувзаденна да.
Ишттача яхьашка котваларо дика масал гойт кхыболча, дегӀа могашал эшаеннача мехкарча наха. Спорт массадола адам чулоацаш я, дегӀа могашал эшаенна Яле а, дикка къахьийгача коталонга кхача, дикка гаьнвала йиш йолга хьагойт цу тайпарча чемпионаташа.
