Технодиктанта юкъе дакъа лаца кийча ба вай мохк
«Коталон технологеш» яхача Ерригача Россе ӏилман-технологически диктанта юкъе дакъа лоацаш хургья вай республика. Цу боккхача дешара оагӏонцарча болама юкъе, берригача мехкара эзараш доакъашхой хургба. «Сердалога» беча хоамах, из гӏулакх хьаллаца кийча ба вай мехка а.
«Диктант дӏахьоргдола моттиг къоастаяьй. Кхетаче дӏахьоргьяраш ба лакха говзал йола хьехархой, ӏилман, технологей оагӏонашцара говзанчаш. Диктанта юкъе лораде дезарех, цун лоархӏамах хьалхадаьккхад бахархошта», - дийцар тха газетага.
«Коталон технологеш» яхача оагӏоно аьттув лу ший технологически кхетам малагӏча хьале ба тахка, ӏилман, Россе кердадарашта юкъе цхьа дакъа лаца.
Вай мехка исторе лоархӏаме дакъа дӏалаьцача технологически оагӏонца дувзаденнарашта хетаядаь да диктант укх шера. Цу гӏулакха хьалхаэттараша белгалдечох, дакъа лаца йиш йолаш ва моллагӏа саг, яьннача ханага хьежжа доацаш.
