«Коталонга дигар тхо илле» яхача фестивалага кийчлуш я республика
ХьатӀабоагӀача бетта 4-ча дийнахьа, дӀахьоргья республике «Коталонга дигар тхо илле» яха фестиваль. Культуран гӀулакхех йолча Министерство, къаман кхоллама цӀено хьаллоацаш, дукха хана денз, дӀакхухьаш я из вай мехка.
«Тха фестивало хьагойт иллешка гӀолла тӀема доккха истори, Даьхенцара безам, моастагӀа вохавеш лаьттарий денал, яхь. Коталон денна хетаяь йолча фестивало чулоац республике мел йола культуран моттигаш»,- дийцар «Сердало» газетага къаман кхоллама цӀен болхлочо АбдурзаковгӀар Аьсета.
Вай котало яьккха 79 шу дизара хетаяьча фестивале хозаргда, коталонга бодаш хиннача бӀаьхача наькъах дола, хӀаране дог ураоттадеш хинна иллеш. Тайп-тайпарча къамех бола нах чулоацаш долча цар хьагойтаргья вай культура, Ӏадаташ, истори, оамалаш.
Пхьилекъонгий-Юртарча культуран цӀагӀа дӀахьоргья фестиваль. Тахан кийчон балхаш деш ба цига.
