ГӀалгӀайче кийчлуш я, республика хьакхеллача Денга
Ткъаь итт совгӀа культуран кхетаче кийчъяьй, цу лостамагӀа йолча министерствос ГӀалгӀайче меттаоттаяь 32 шу дизара хетаяь. ЦӀай хоза а сийрда а хургдолаш да.
«Наьсарен-Шахьара берий исбахьален ишколо гойтаргда берий сурташ, хӀаьта Магас-Шахьара культуран дегӀаахара Центро вай исторех лаьца документальни фильм гойтаргда. Республикан искусствай паччахьалкхен колледжо, къам мехкахдаккхара дагалоаттама Мемориало, лекцешка ладувгӀа хьех, иштта цар гойтаргья литературно-ашарий композицеш.
ГӀалгӀайчен, Янданаькъан Жамалдий цӀерагӀча библиотеко, Малсаганаькъан Тухана цӀерагӀча мехктохкама музейс ГӀалгӀайчен культуранна а исторена а хетадаь гойтамаш кийчдергда. Иштта «Магас» яхача фольклорни ансамбло ший концертаца гулбеннараш гӀадбугаргба, Наьсарен кхален культура ЦӀагӀа.
ЦӀай долча дийнахьа, вай дерригаш а вӀашагӀкхетаргда, истори дагадохаргда, керда карагӀдаьннараш дувцаргда», - аьлар ГӀалгӀайчен культуран Министерствос.
ГӀалгӀай Республика хьакхеллай 1992 шера аьтинга бетта 4-ча дийнахьа, Россена чуйоагӀаш, из гӀалгӀай къаман исторе лоархӀаме оагӀув хинна дӀаэттай.
