Республикерча Паччахьалкхен зарбан болх лелабераша белгалдечох, из гӀулакх аьттув луш долга хьагойт 2024-ча шерара хӀама йохкара оагӀув 14%-га кхоачаш, $14,46 млн хулаш айбенна хиларо. Керда яьча чӀоагӀон тӀагӀолла вай республике дукха хӀама лоаттаде лаьрхӀа я Белорусь - юртбоахама оагӀонцара, иштта кхыйола техника, дарбанчешка эшаш йола хӀамаш, кхача, дӀайийна хӀама дикагӀа хьахургйолаш етта молхаш.

ХӀаьта вай мехко Белоруссена лоаттадергда москала дулх, кӀалах даь гӀирсаш, гӀишлон балхашца эшараш, минеральни хий, вай мехка кхебаь кхача. Къаьстта йоккха терко тӀайохийт Беларуссена, Юхерча Малхбоален мехкашта юкъе хӀама дӀа-хьа яхьийтар Республикерча таможенни складе гӀолла хилийтара. 50%-га кхоачаш айлургда из гӀулакх ишттача наькъаца. Цул совгӀа туризмаца, ӀT-технологешца дувзаденнараш дикка доаржадеш къахьега лаьрхӀа я шаккха республика.

Вай республикан экономически хьал хоалуш тоадеш болх хургба цох, мехка вице-премьер волча Зурабанаькъан Ювсапа белгалдечох: «Белоруссецара бувзам пайда боаржабеш, еррига проекташ, боаггӀача боараме къахьегаш, хьаллаца аьттув луш хургба, аьнна, хет тхона».