Бизнес йоаржаергйола наькъаш лохаш я республика
![Бизнес йоаржаергйола наькъаш лохаш я республика](http://serdalo.ru/storage/BI10zJuJPNbu9UM1y7d0sL36W5UZPbvCzuClTTZh.jpg)
Кхыйолча моттигашца бувзам лелабеш, вайцигара промышленность, бизнес тоаергйола гӀулакхаш юкъедоахаш я республика. Цу мугӀарера бувзам чӀоагӀбир вай мехко Ленинградерча промышленникий Сюзаца. Из хоам «Сердалога» бир цу гӀулакха хьалхалаттараша.
«Укх бетта 22-ча дийнахьа дӀайихьача «ХӀарма» яхача кхетаче, из чӀоагӀо вӀашагӀйоллаш кулг яздир. ЗӀамига, йоккха бизнес, промышленность йоаржаеш долча гӀулакха хьалхаэттараш бар Бузуртанаькъан Мухьмад, Габитов Александр», - йоах хоамо.
Цхьана кхетаченаш дӀакхухьаш, пайданедараш дӀа-хьа эцаш, дӀахьоргба цу лостамагӀа бола болх. Таханарча моттигий хьал дикка тоадергда цу гӀулакхо. Иштта юкъедоаладе лерхӀ кхыдола керда хӀамаш.