Кикбоксингах йолча яхьашкара, 6 майдилг ера вай мехкахоша
Къилбаседа Кавказерча кикбоксингах волча воккхача говзанча, дунен хьалхарча чемпиона Порсуков Ӏаьланна хетаяьча яхьашкара, 6 майдилг ера вай мехкахоша. Из хоам «Сердалога» бир спорта дешашта йолча министерствос.
«К1», «лоу-кик», «лайт-контакт», «къаьстта композицеш», «поинтфайтинг», «фулл-контакт» яхача оагӀонашка хьалхале яккха гӀерташ къовсавелар 2000 совгӀа спортсмен.
Вайцигара вахараш - 18 шерга кхачанза вола 11 зӀамига саг. Майдилгаш яьхараш ба Къоастой Руслана, Ӏалбаканаькъан Мухьмада, Дударанаькъан Ӏалихана, Элмарзанаькъан СаӀида, Арсанаькъан Заьлмахас, Дзовранаькъан Ӏаддала кхебаь спортсменаш.
Хьалхара моттиг яьккхар Цхьорой Халида (71 кг), Дзовранаькъан Ӏимрана (91 кг), Дударанаькъан Сулеймана (63,5 кг). ШоллагӀча моттиге хилар Зурабанаькъан Рахьим (60 кг), Колой Мовлат-Гири (71 кг). Аькхенаькъан Адам.
КхоалагӀа моттиг кхаьчар- Аькхенаькъан Адамга ( 57 кг)», - йоах тхогарча хоамо. Уж беррига кагирхой юкъебахар Россе къаман гулъяьча тоабанна.
