ГӀалгӀай мехкара дикагӀа бола кхоачам бохьийтаргба, Токмакски кхален ишколашта
«Кхерамзленца, Даьхе лораярца дувзаденнараш» яха, керда юкъедаьккхача Ӏилман кабинета эшаш бола кхоачам бохьийтаргба вай республико Токмакски кхале.
Вай мехкадас Келаматанаькъан Махьмуд-Ӏаьлас тӀадилла, цигарча пхе ишколанна кхоачаргья керда хӀамаш.
«Кийчон хьал мишта хила деза гойташ дола книжкаш, тӀема герз Ӏомадеш эшараш, Калашникова оалача автомата макеташ, герз вӀашагӀдаьккха, тӀаккха юха вӀашагӀадолла Ӏомабеш дараш, иштта кхыдола кхоачамаш дохьийтаргда берашта. 14 оагӀонцара 100 хӀама я кийчяьр», - язду ший телеграм- оагӀон тӀа Мехкадас.
Республикан кулгалхочо белгалдир, моллагӀа хӀама нийсделча шоай мишта лорабала беза, эггара хьалхарча оагӀонца де дезар фуд берашта ховргдолаш, йохьийташ я уж хӀамаш, аьнна. Шоай мехка дӀаьхий дола истори довзаргда кхувш латтарашта, Даьхе лораяр, цун гӀулакха латтар керттерча гӀулакхех долга кхетадергда цар.
