Донбассерча берех болча дагалоацама болам хьаллаьцар
Украина нацисташа доадаьча Донбассерча берех бола дагалоацама болам дӀабихьар, тӀема сийлен МагӀалбик-Шахьарерча Мемориале. КӀимарса бетта 27-ча дийнахьа Донбассе доадаьча берех болча дагалоацама Ди белгалду Россе, цу гӀулакха керте яр Даьхен бӀухой дезала Ерригроссе комитета ГӀалгӀайчен моттигерча штаба кулгалхо Барханой Фатима.
«Болам дӀахьош, ГӀалгӀайчен къонача эскархоша дийцар Донбассерча йиӀигаша, кӀаьнкаша лайнача унзарча хьалех; цар вахар тӀемо дохадаь хиларах; бехк боаца бераш доадарах; наьха дегашка боккха бала боссарах», - аьлар «Сердало» газетага МагӀалбик-Шахьара администраце викалаша.
МагӀалбике дӀахьош хиннача дагалоацама боламе дакъа лоацаш хилар берий, кагирхой цхьанкхетарий викалаш, юкъара болх лелабераш, паччахьалкхен Ӏаьдала болхлой. Доакъашхоша, массаза йоагаш йолча цӀера юхе зизаш даьхкар, хӀаьта къонача эскархоша, Мемориала моттиге кӀерамаш, каьхатех яь лампаш а кхокхарч а оттадир.
