ГӏалгӀайченна новкъостал дир, хицара хьал тоадара проект чакхйоаккхаш
Паччахьалкхен Россе моттигаш дегӀайоалаяра йолча комиссе Президиума, Хуснуллин Марата кулгал а деш дӀахьош хиннача кхетаче; техкар ГӏалгӀайчен дехар. Из дувзаденна дар цу даькъ тӀара проекташ кхоачашъяра дош тохкача юкъе дакъа лаца ловш хиларца. Республиканна бокъо елар наха хица Ӏалашо яра йола йоккха проект дӀаяхьа.
Цу проекта чудоагӀаш да «Южный» оалача оалхазарий комплекса хий чудиллар, цул совгӀа массехк юрта а дӀакхоачаш хий хургдолаш- МагӀалбика кхален Махьмад –Хи тӏа, Заьзгакъонгий-Юрта, Южне, Аьккхий-Юрта. Цу проекта чудоагӀаш чуяхка лаьрхӀад 7,5 км хин турбаш, иштта ялх моттиге хина бурув тохаргда, пхиъ хий лоаттаду гӀирс, шиъ насоса станцеш Ӏалашъергья. Юкъера хьаийцача проекта мах ба 230 млн совгӀа.
ГӏалгӀайчен Кулгалхочо Келаматанаькъан Махьмуд-Ӏаьлас белгалдир, из проект еш республикан Паччахьалкхено дукха къахьийга хилар.
«Хӏанз, уж деррига балхаш дӀадихьачул тӀехьагӀа, цо таро лургья хий лоаттадар низ чӀоагӀбе, цул совгӀа, цига 78 балха моттиг а хургья, хица Ӏалашо ярах нах бахача юрташка, юкъера дӀалаьрхӀача уж ба 8000 саг», - аьлар республикан кулгалхочо.
Вице-премьер Хуснуллина ший аргӀагӀа белгалдир, цу тайпара хьалаш хиларо бахархой вахар тоадеш хилар, иштта дуккха дикагӀа хургда моттигерча транспорта, коммунальни даькъ тӀара хьал.
