Мехкара дешара хьал гойтар республико
Россе дешара оагӀон гӀулакха кулгал деча Кравцов Сергейс ВКС гӀолла дӀахьош хиннача дешара хьал тоадарах моттигашкарча программашта хетаяьча кхетаче дакъа лоацаш хилар, вай паччахьалкхен хьалхара вице-премьер йола Саганаькъан Индира, иштта кхыбола болхлой.
«Мехкарча дешара хьалах дараш довзийтар республикерча дешареи Ӏилмани гӀулакхех йолча Министерствос. Таханарча дийнахьа, мехка болх беш я 208 эзар саг чулоацаш йола 562 дешара моттиг. Цу мугӀаре болх беш ва 10 657 хьехархо. 2019-ча шергара 2023-ча шерга кхаччалца йола ха хьаийцача, вайцига хьалъяьй 33 керда ишкол, 36 берий беш.
Ер шу йистедалалехь хьалъяь яла езаш я 2430 дешара моттигаш лургйола кхы а пхи ишкол, 200 бер чуэцаргдола берий беш», - дийцар «Сердало» газетага министерствон зарбан болх лелабераша. Цу гӀулакха тӀахьожам беш болх дӀахьор ба Россе дешара гӀулакхех бола оагӀув, Роспотребнадзор, Президента администраце болхлой, «Сферум» VK оагӀон доакъашхой.
