Москверча халкъашта юкъерча кхетаче; туризм, культура гойташ хилар республика
17.06.2025 11:03
Москверча ВДНХ дӀайихьача «Гобаккха» яхача халкъашта юкъерча туристически кхетаче дакъа лоацаш хилар вай мохк. Тайп-тайпарча программашца мехка культура, туризм гойтар цига вай мехкахоша. Из хоам «Сердалога» бир цу юкъе хиннараша.
ГӀалгӀайчено гойташ дар наькъаш, «Ӏарамхи» курортера салаӀар, къаман пхьараша, говзанчаша хьакхелла балхаш, вайцига арахецаш йола хӀамаш. Геттара чӀоагӀа адам тӀаозаш хилар республике баха таро луча бӀалашца бувзабенна болх, иштта вай чаме даар чӀаьпилг а.
Россе Ди дездеш, къаман халхарах, гойтама балхах, фольклора тоабаша шоай начӀал гойтарах йола программа яр кийчъяь.
Россе туристически карта тӀа вай мехко лоархӀаме моттиг дӀалацара тӀехьа пайда беш хилар кхетаче.
