ГӀалгӀайчено ший таронаш гойтаргья ПМЭФ
Аьтинга бетта 18-ча денгара 20-ча денга кхаччалца, Санкт-Петербурге мехкарча моттигий экономически таронаш гойтара лаьрхӀа йола майда хургья, цу юкъе я ГӀалгӀайче а. Карарча шера республикан Ӏаьдало лаьрхӀад ПМЭФ кхетаченашка дика дакъа лаца, яхаш, дийцар ГӀалгӀай Республикан Кулгалхочун, Паччахьалкхен зарбан болх лелабераша.
ГӀалгӀайчен кулгалхочо Келаматанаькъан Махьмуд-Ӏаьлас белгалду, ПМЭФ - из инвестораша шоайла бувзам чӀоагӀбара, мехка керттера проекташ гойтара дика майда я.
«Вай дика пайда эцаргба цу таронех, керттерча проекташта: туризма, промышленноста, юртбоахама даькъ тӀа, иштта ӀT терко тӀаозара», - аьлар цо.
Кхетаченна чудоагӀаш вӀашагӀкхетараш хургда российски, иштта халкъашта юкъерча дӀа-юха гӀулакх леладерий, цар таро я керда инвестицеш юкъейоахаш болх дӀахьо. Цул совгӀа, ГӀалгӀайчен викалаша российски СМИ интервью лургья. Цунга гӀолла республикан таронаш наха дӀайовзийтаргья.
