Къаман пандарашца, илли ала ховраш тӀаэцаргба республико
23.07.2024 13:01
Къаман гӀирсашца шоай начӀал гойта ховш бола регионашта юкъерча фестивала доакъашхой тӀаэцаргба хьатӀадоагӀача кӀиран дийнахьа мехка. ГӀалгӀай паччахьалкхен Ӏ00 шу дизара хетаяьча йоккхача кхетаче гуллургба вай боккхача мехка тайп-тайпарча моттигашкара говзанчаш.
«Къаман гӀирсашца илли оалаш шоай начӀал гойта ховраш хьаллоацаш, керда говзанчаш гучабоахаш, кхоллама наькъацара бувзам чӀоагӀбеш, боаржабеш хургья из йоккха кхетаче», - дийцар «Сердало» газетага культуран гӀулакхах йолча министерствера.
Наьсарерча культуран цӀен хьалхашкарча доазон тӀа 11 сахьат нийсса даьлча дӀаболабергба из болх. Бахархошта, хьаьшашта салоӀам хулаш моттиг хургья из.
