ГӀалгӀачено дакъа лоацаргда, «Белгород, тха дегаш – хьоца!» яхача боламе
24.05.2024 19:13
ГӀалгӀай мохк дакъа лоацаш хургба, «Белгород, тха дегаш - хьоца!» яхача боламе. Из дӀахьоргба кхоана, «Росси» яхача Халкъашта юкъерча гойтаме-кхетаче, яхаш, дийцар «Сердало» газетага Москверча вай къаман массазарча викалаша.
«Белгородски областа бахархой денал долаш духьаллат, машар бохабе гӀертачунна. ХӀаравар йиш йолаш ва уж хьаллаца. Болам дӀахьош гулдаь ахча, цу областа бахархошта дарбанна, йоккхий топаш чуетташ дохадаь цар цӀенош юха тоадеш дӀадохийтаргда», - аьлар тхога хоам бечо.
Россе халкъаш тахан вӀаший кхотадаьд шоай Даьхенцарча безамо. Халонаш тӀакхаьчача Россе бахархой массаза а хиннаб цаӀ санна, эша новкъостал деча, халонашта цхьана духьалъоттача.
