«КӀай бийсаш» яхача зӀамигача футбола яхье дакъа лоацаш я вай республика
10.07.2025 10:55
Шолжа-Шахьарера футболисташ дакъа лоацаш хургба «КӀай бийсаш» яхача зӀамигача футбола, Российски футбола союза (РФС) дӀахьош долча къовсамашка. Из хоам «Сердалога» бир «Хамхи» яхача спорта клубо.
Санкт-Петербургерча «Кировец» яхача стадионе гуллургья 46 моттигера 448 футбола тоаба. Дакъа лаца ловш хиннача 592 тоабан юкъера чакхбаьннараш ба уж. Укх бетта 18-ча денгара 20-ча денга кхаччалца хьаьшашта лаьрхӀа яхьаш, интернет-декхараш, ловзараш хургда цига.
Вай мехкара цига дакъа лоацаш, «Хамхи» яха Урусханаькъан Джамалдас кулгал деш йола тоаба хургья.
Турнира тӀехьарча дийнахьа ловза арабаргба РФС амбассадораши эггара толашагӀбола ловзархойи.
