ГӀалгӀайчено дика дакъа лоац Кавказа инвестицей кхетаче
ГӀалгӀайче дика дакъа лоацаш я, дукхача кепара дӀахьош йолча Кавказа инвестицей кхетаче, из тахан Шолжа-ГӀалий тӀа дӀахьош я, яхаш, дийцар ГӀалгӀай республикан Кулгалхочун зарбан болх лелабераша.
Из лоархӀаме Къилбаседа Кавказа кхетаче дӀахьош я, Россе Президента Путин Владимир Владимировича тӀадиллача декхарах.
ГӀалгӀайче дакъа лоацаш я цу лоархӀамеча кхетачене. Дувца оттадаьча хаттарех да - вай дегӀакхувлара керттердар, инвестицеш юкъеяхар, экономика, вахара хьал дегӀадоаладар», - аьлар Келаматанаькъан Махьмуд-Ӏаьлас.
Из йоккха кхетаче дӀахьош дакъа лоацаш ба Ӏаьдала болхлой, российски, халкъашта юкъера викалаш, цар гойт туризм дегӀайоалаяра, АПК, гӀишлон, транспорта, логистикан, банковски гӀулакха доакъош тӀа де дезар. Йоккхача программанна чуйоагӀаш я итташ кхетаченаш, цу юкъе 300 совгӀа говзанчаш а болаш.
ГӀалгӀайчен викалаша кхетачен керттера дешаш дувцача дакъа лоацаргда.
Уж да Ӏаьдала болх дика дегӀабоалабар, хӀама хьаду нах хьаллацар, кагирхой политиканна терко лоаттаяр, иштта кхыдараш.
